اعتماد الجامعه العربية بموقع وزارة الخدمة المدنية للتوظيف"جدارة "بالصور,"متجدد"

[التركي001]

السلام عليكم ورحمة الله وبركاته ،

جيت بقدم على موقع الخدمة المدنية " برنامج جدارة للتوظيف الجديد " ، ومع اكمال البيانات جت فقرة عن الجامعه الي تخرجت منها والتخصص ، تفتح القائمة بها اسماء الجامعات والكليات المعتمدة لدى الخدمة المدنية ، ومدرج ايضا قائمة للتخصصات والمسارات المعتمدة لدى الخدمة المدنية ..

الزبدة

فتحت قائمة الجامعات ولقيت به مجموعة من الجامعات والكليات بالمملكة المعتمدة لديهم ، وقلت ان كان اسم الجامعه العربية المفتوحة فيه ، يعني معتمدة وان ماحصلته يعني الموضوع فيه ان

وايضا التخصص والمسار ان كان فيه زين وان ماكان فيه مو مشكلة المهم تخصص مايحتاج المسار.

والمفاجاة

موجود اسم " الجامعه العربية المفتوحة "

والتخصص و المسار بعد ابشركم


ماطول عليكم ، قدامكم الصورة + الرابط كل واحد يتاكد بنفسه .

طبعا اي جهة حكومية ماتدرج اسم جامعه ولا تعتمدة الا بعد التنسيق مع التعليم العالي تشوف الجامعات المعتمدة لديهم اولا .

طبعا الخدمة المدنية اهم جهة حكومية وهي الجهة الرئيسية بالدولة الي تتحكم بكل وظائف القطاعات المدنية والوزارة لها قرارها ان كانت تقبل بانه تعتمد هالجامعه والشهادة لديهم للتوظيف عليها ومساواتها بالجامعات الاخرى ام لا ، وكما اسلفت فيه تنسيق بالاعتماد مع وزارة التعليم العالي .

يعني وش رايكم باكبر من هالاثبات من الوزارة نفسها

[IMG][/IMG]

موقع الخدمة المدنية برنامج جدارة

طبعا لو تلاحظون ان مافي كلمة فرع او مركز .. يعني انهم فاهمين ان الرياض رئيسي والباقي مكاتب اقليمية تابعة للرياض .

طبعا الموضوع دايم يتكرر معتمده لا مو معتمدة ، بس هذا اثبات جديد طازج ..


اذا بعد يطلع احد يقعد يبربر انه ماعتمدت ومدري ايش اقوله قل خير او اصمت .. او افتح موقع التعليم العالي او افتح موقع جدارة < اثبتوا بجدارة انها معتمدة

اذا وزارة الخدمة المدنية بكبرها معتمدتنا الي كان اعتمادهم بناء على اعتماد التعليم العالي ، منهو الي مايعتمدنا راعي البقالة

تقبلوا تحياتي وتقديري ،،،

[التركي001]

هذا رابط الصورة مكبرة

http://www6.0zz0.com/2011/05/23/16/507717911.jpg

[فنون البورصه]

بارك الله فيك

[alsaif_666]

أخوي التركي 001

جزاك الله خير على هالخبر الطيب ،

وأتمنى من الله إنك تبشرنا عن قريب بمعاودة وزارة التعليم العالي التصديق على الشهادات من جديد ، والله بلشت أنا وكم واحد من الشباب في هالموضوع مسوي لنا أزمة نفسية ، نحتاج تصديق وزارة التعليم العالي علشان نصدق من وزارة الخارجية وللأسف لا حياة لمن تنادي . (حتى اللي ذكروا إنهم صدقوا شهاداتهم ما علمونا وشلون صدقوها .. رغم سؤالنا لهم .. والله ما نبي شي .. نبي نصدق شهاداتنا بس .. هرررررمنا )

إخوتي وأخواتي إن عجزتوا عن فعل أي شيء لنا فلا أقل أن تأمنّوا على دعائنا وجزاكم الله خيراً مقدماً
( اللهم لا سهل إلا ما جعلته سهلاً وأنت تجعل الحزن إذا شئت سهلاً اللهم اجعل أمور تصديق شهاداتنا من وزارة التعليم ومن وزارة الخارجية سهلاً بيسرٍ منك يا رب العالمين ) اللهم آمين.

[التركي001]

العفووو ياخواان

وقريب ان شاء الله يحل موضوع الختم ، بالرغم ان نظام التعليم العالي ماتختم على كل الجامعات الاهلية ومفترض وزارة الخارجية تتفهم هذا النظام

[for-you]

روح ربي يسعدك ويجزيك الجنة : )

[haboush]

اخ تركي

روح الله يسعدك و يسعد ايامك
والله ما غيرك انت و اللي زيك يفرحو القلب و يعطونا امل

الله يوفقك و يوصلك لأعلى المراتب
وننتظر جديدك دايم

دعواتي و تحياتي لك ..

[C A R A W A N]

الله يبشرك بالخير يا الذيب

[mstre7]

ايه يرجال .. هاذي المواضيع الي تفرح وتوسع الصدر ..
ولا تنسانا عطنى وش صار معك ,.

والله يوفقك ويسهل امرك

[Miss.Jessica]

الله يعطيك العافية

[έαdσσ]

ايه هذي الاخبار ولا بلاش ..
هيا لا عاد اشوف احد يسأل اعتماد وما اعتماد ..

[Eagle Eyes]

الله يعطيك العافية اخوي التركي

المسار العام في تقنية المعلومات معترف فيه
و لاكن المسارات الاخرى غير معتمدة حتى الآن ..

[التركي001]

ان كان الموضوع يهم ويفيد كثير من الطلاب الي يستفسرون عن اعتماد الجامعة لدى الخدمة المدنية ، ارجوا تثبيته وان كان فيه مواضيع سابقة مثبتة تخص اعتماد الجامعة لدى الخدمة المدنية ، خلاص مو لازم يثبت ..

[يـغـار الـحـلا]

يعطيك العافيه التركي


قريبتي تدرس في الجامعه العربيه ولما سجلت في جداره شافت الجامعه موجوده ضمن القائمه

وكمان اخوي مسجل في مؤسسه حكوميه بس مدري ايش اسمها نسيتها وقلت خل اشوف اذا جامعتي موجوده ضمن القائمه علشان لااتوهق واكمل الدراسه فيها


والحمدلله كانت موجوده

بس لو يشيلوا فرع الرياض ويفكونا من التصديق حنا بخير